Devaragattu Bunny Utsavam | ఏటా దసరా సందర్భంగా వివిధ ప్రాంతాల్లో ఒక్కోరకంగా ఉత్సవాలు జరుపుకుంటారు. ఇందులో భాగంగా కర్నూల్ ( Kurnool ) జిల్లా హొళగుంద మండలం దేవరగట్టు ( Devaragattu )లో జరిగే బన్నీ ఉత్సవం ఉభయ తెలుగురాష్ట్రాల్లో విశేష ప్రాచుర్యం పొందింది.
దేవరగట్టులో సుమారు 800 అడుగుల ఎత్తైన కొండపై వెలసిన మాళ మల్లేశ్వరస్వామి ( Mala Malleshwaraswamy )ఉత్సవవిగ్రహాలను దక్కించుకునేందుకు పలు గ్రామాల ప్రజలు కర్రల సమరంలో తలపడుతారు. దీనినే బన్నీ ఉత్సవం అంటారు.
సంప్రదాయం ప్రకారం ఈ ఏడాది కూడా బన్నీ ఉత్సవం నిర్వహించారు. ఆదివారం తెల్లవారుజామున జరిగిన కర్రల యుద్ధంలో హింస చెలరేగింది. కర్రలతో పలు గ్రామాల ప్రజలు కొట్టుకోవడంతో సుమారు 100మందికి పైగా గాయాలయ్యాయి.
ఇందులో 20మంది తీవ్రంగా గాయపడ్డారు. గాయపడిన వారిని ఆదోని, బళ్లారి ఆసుపత్రికి తరలించారు.