BJP MP Eatala Rajender slaps Medchal real estate agent | ఓ రియల్ ఎస్టేట్ బ్రోకర్ ( Real Estate Agent ) పై మల్కాజిగిరి ఎంపీ ఈటల రాజేందర్ ( Eatala Rajender )దాడి చేశారు.
మేడ్చల్ జిల్లా పోచారం మున్సిపాలిటీ పరిధిలో ఈ ఘటన చోటుచేసుకుంది. మున్సిపాలిటీ పరిధిలోని ఏకశీలానగర్ లో ఈటల మంగళవారం పర్యటించారు.
ఈ క్రమంలో బాధితులు సదరు రియల్ ఎస్టేట్ బ్రోకర్ పై ఈటలకు ఫిర్యాదు చేశారు. తమ ఇంటి స్థలాల విషయంలో బ్రోకర్ ఇబ్బంది పెడుతున్నారని బాధితులు ఈటలకు చెప్పారు. ఈ క్రమంలో ఆగ్రహం వ్యక్తం చేసిన ఈటల బ్రోకర్ చెంప చెళ్లుమనిపించారు.
అనంతరం ఈ బీజేపీ ఎంపీ మాట్లాడుతూ..కొందరు అధికారులు బ్రోకర్లకు కొమ్ముకాస్తున్నారని ఆరోపించారు. దొంగ పత్రాలతో పేదల భూములు లాక్కుంటున్నారని పేర్కొన్నారు.
బ్రోకర్లకు సహకరించే అధికారులపై కఠిన చర్యలు తీసుకోవాలని డిమాండ్ చేశారు. పెదల భూములకు బీజేపీ అండగా ఉంటుందని ఈటల తెలిపారు.
