Bengaluru Company Is Hiring For A ‘Chief Dating Officer’ | లవ్ ( Love ) కోసం మరియు ఉద్యోగాల కోసం చాలా మంది వెతుకుతుంటారు. అలాంటిదే ఉద్యోగమే లవ్ కు సంబంధించినది అయితే, ఇలాంటి ఉద్యోగ అవకాశాన్ని ఓ సంస్థ కల్పిస్తోంది.
బెంగళూరుకు చెందిన టాప్ మెట్ ( Topmate ) అనే మెంటరింగ్ అండ్ కన్సల్టెంట్ సంస్థ చీఫ్ డేటింగ్ ఆఫీసర్ ( Chief Dating Officer ) పోస్ట్ కోసం చేసిన ఒక ప్రకటన విడుదల చేసింది. కంపెనీ మార్కెటింగ్ చీఫ్ నిమిష చంద ఈ ప్రకటన చేశారు.
ఈ పోస్ట్ కోసం విద్యార్హతలు అవసరం లేదని కానీ, లవ్ బ్రేకప్ ( Breakup ) అయ్యుండాలని కండీషన్స్ ( Conditions ) పెట్టారు. ఈ ఉద్యోగం కావాలనుకునే వారికి ప్రస్తుత డేటింగ్ ట్రెండ్స్ గురించి పూర్తి అవగాహన ఉండాలి. మూడు డేట్లు ( Dates ), రెండు సిట్యుయేషన్ షిప్లు ( Situationship ), ఒక బ్రేకప్ జరిగి ఉండాలి.
ప్రూఫ్స్ ( Proofs ) మాత్రం అడగరు, కేవలం స్టోరీని మాత్రమే వింటారు. అంతేకాకుండా రెండు లేదా మూడు డేటింగ్ యాప్స్ ని వాడి ఉండాలి. ఘోస్టింగ్ వంటి అంశాలపై పూర్తి అవగాహన ఉండాలని టాప్ మేట్ సంస్థ స్పష్టం చేసింది. వైరల్ గా మారిన ఈ ప్రకటనపై నెటిజన్లు ఫన్నీగా పోస్టులు పెడుతున్నారు.
‘స్కూల్ లో చదువుతున్న రోజుల్లో లాస్ట్ బెంచ్ లో కూర్చుని ఫ్లేమ్స్ ( Flames ) ద్వారా వేరే వాళ్ళని కలిపేవాడ్ని. నేను ఈ ఉద్యోగం కోసం అప్లై చేయొచ్చా’ అంటూ ఒక నెటిజన్ స్పందించారు.
