Bandi Sanjay Hot Comments On KTR | మసకబారిన వ్యక్తిగా రాహుల్ గాంధీ ( Rahul Gandhi )స్థానాన్ని కేటీఆర్ ( KTR ) భర్తీ చేసే విధంగా కనిపిస్తుందని ఎద్దేవా చేశారు కేంద్ర సహాయమంత్రి బండి సంజయ్ ( Bandi Sanjay ).
కాగా ఓటుకు నోటు కేసులో వీడియోతో సహా ప్రస్తుత సీఎం రేవంత్ ( Revanth Reddy )పట్టుబడితే ఆయన్ను జైల్లో వేయడంలో బీజేపీ విఫలమైందని కేటీఆర్ విమర్శించారు. ఈ నేపథ్యంలో బండి సంజయ్ స్పందించారు.
మొదట అమెరికా నుండి రాష్ట్రానికి వచ్చిన కేటీఆర్ కు బండి స్వాగతం పలికారు. జెట్ లాగ్ ( Jet Lag ), అమెరికా పర్యటన కేటీఆర్ పై ప్రభావం చూపుతున్నాయని విమర్శించారు.
ఓటుకు నోటు కేసు ఏసీబీ ( ACB ) పరిధిలో ఉందని, 2015 నుండి అసమర్ధ బీఆరెస్ ప్రభుత్వం విచారణ చేయడంలో విఫలమైందని బండి సంజయ్ ధ్వజమెత్తారు. కానీ, ఇప్పుడు ట్విట్టర్ స్టార్ డం ( Twitter Stardom ) కోసం కేటీఆర్ కేంద్ర ప్రభుత్వాన్ని లాగుతున్నారని విమర్శించారు.
ఓటుకు నోటు కేసులో నిజంగా న్యాయం కావాలంటే, అప్పుడే కేసును సీబీఐకి లేదా ఈడీకి అప్పగించి ఉండాల్సిందని తెలిపారు.
