Hyderabad Restaurants Timings | హైదరాబాద్‌లో వ్యాపారం చేసుకుంటున్నవారికి తెలంగాణ ప్రభుత్వం (Telangana Government) ఓ శుభవార్త చెప్పింది. ప్రస్తుతం వ్యాపార నిర్వహణ పని వేళలను సవరిస్తూ సర్కార్ ఉత్తర్వులు జారీ చేసింది.
నగరంలోని హోటల్స్, రెస్టారెంట్స్, ఐస్ క్రీం, కాఫీ, పాన్ షాప్ లను అర్ధరాత్రి ఒంటి గంట వరకు తెరిచి ఉంచుకునేందుకు ప్రభుత్వం అనుమతినిచ్చింది.
అయితే క్లాత్స్, జువెల్లరీ, సూపర్ మార్కెట్స్, కిరాణా తదితర వ్యాపార సముదాయాలను ఉ.9 నుంచి రా. 11 వరకు, వైన్స్ ఉదయం 10 నుంచి రాత్రి 11 వరకు, బార్లు వీక్ డేస్లో ఉ.10 గంటల నుండి రా. 12, వీకెండ్లో ఉ. 10 గంటలనుండి రా. 1 ఒంటి గంట వరకు తెరిచి ఉంచొచ్చని పేర్కొంది.
ఈ ఆర్డర్లు డీసీపీ, ఏసీపీ, ఎస్‌హెచ్‌ఓల ఆధ్వర్యంలో ఉంటాయి. అయితే నిబంధనలకు విరుద్ధంగా ప్రవర్తించిన వారిపై చట్టపరమైన కఠినచర్యలు ఉంటాయని పోలీసులు హెచ్చరించారు.
