Nara Rohit Emotional Post On His Father | మాజీ ఎమ్మెల్యే, ముఖ్యమంత్రి చంద్రబాబు ( Cm Chandrababu ) సోదరుడు నారా రామ్మూర్తి నాయుడు ( Nara Ramamurthy Naidu ) అనారోగ్య కారణాలతో శనివారం తుదిశ్వాస విడిచిన విషయం తెల్సిందే.
ఆయన పార్థివదేహాన్ని హైదరాబాద్ ( Hyderabad ) నుండి స్వస్థలం నారావారిపల్లెకు తరలించారు. ఆదివారం మధ్యాహ్నం అంత్యక్రియలు జరగనున్నాయి. ఈ క్రమంలో తండ్రిని తలచుకుని తనయుడు నారా రోహిత్ ఎమోషనల్ ( Emotional ) పోస్ట్ చేశారు.’ మీరొక ఫైటర్ ( Fighter ) నాన్నా, మా కోసం ఎన్నో త్యాగాలు చేశారు ‘ అని గుర్తుచేసుకున్నారు.
‘ నాన్నా మీరొక ఫైటర్, నాకు ప్రేమించడం, జీవితాన్ని ఎలా గెలవాలో నేర్పించారు. నేను ఈ స్థాయిలో ఉన్నానంటే కారణం మీరే. న్యాయం కోసం పోరాటం ఎలా చేయాలో నేర్పించారు. మీ జీవితం సాఫీగా సాగకున్న, మమ్మల్ని మాత్రం అత్యంత జాగ్రత్తగా చూసుకున్నారు. మా కోసం ఎన్నో త్యాగాలు చేశారు. నాన్నా మీతో నాకు ఎన్నో జ్ఞాపకాలు ఉన్నాయి, వాటిని జీవితాంతం గుర్తుపెట్టుకుంటా. ఇంకేం చెప్పాలో అర్థం కావట్లే.. బై నాన్న ( Bye Nanna ) ‘ అంటూ నారా రోహిత్ ఎమోషనల్ అయ్యారు.
