Fake Website For Traffic Challans | తెలంగాణలో పెండింగ్ ట్రాఫిక్ చలాన్ల క్లియరెన్స్ కోసం పోలీసులు భారీ డిస్కౌంట్ ఆఫర్ ప్రకటించిన సంగతి తెలిసిందే. డిసెంబర్ 25 వరకు పెండింగ్ లో ఉన్న సుమారు 2 కోట్ల పెండింగ్ చలాన్లను క్లియర్ చేయించేందుకు పోలీసులు ఈ రాయితీ ప్రకటించారు.
అయితే ఈ డిస్కౌంట్ ఆఫర్‌కు వాహనదారులు సద్వినియోగం చేసుకుంటున్నారు. తమ వాహనాలపై పెండింగ్ లో ఉన్న చలాన్లను క్లియర్ చేసుకుంటున్నారు. ఇదిలా ఉండగా, ఈ డిస్కౌంట్ ఆఫర్ పై సైబర్ నేరగాళ్లు కూడా కన్నేశారు.
వాహనదారులు పెద్ద ఎత్తున చలానాలు కట్టేస్తుండంటంతో దాన్ని క్యాష్ చేసుకోవడానికి నకిలీ వెబ్ సైట్లను క్రియేట్ చేస్తున్నారు. తద్వారా చేసి వాహనదారులను బురిడీ కొట్టించి ఆ చలాన్ల డబ్బులు కొట్టేస్తున్నారు. ఈ విషయాన్ని గ్రహించిన పోలీసులు వాహనదారులను హెచ్చరిస్తున్నారు.
మీ సేవా సెంటర్లతో పాటు https://echallan.tspolice.gov.in/publicview వెబ్ సైట్‌ల ద్వారా డిస్కౌంట్ ఆఫర్ లో చలాన్లు కట్టేందుకు అవకాశం కల్పించారు పోలీసులు. ఇదే అదునుగా చేసుకుని సైబర్ క్రైం నేరాగాళ్లు నకిలీ వైబ్ సైట్లు సృష్టించారు.
https ://echallantspolice.in/ అనే పేరుతో నకిలీ వెబ్ సైట్‌ను రూపొందించారు. దీని ద్వారా చలాన్లు వసూలు చేస్తున్నారు. ఆన్‌లైన్‌లో నకిలీ వెబ్ సైట్లను గుర్తించిన అధికారులు సోషల్ మీడియా ద్వారా వాహనదారులను అప్రమత్తం చేశారు.
ఈ నకిలీ వెబ్ సైట్లలో చలాన్లు చెల్లించొద్దని.. పోలీసులు సూచించిన అధికారిక వెబ్‌సైట్‌లోని చెల్లించాలని సూచిస్తున్నారు. నకిలీ వెబ్ సైట్లను రూపొందించిన వారిని గుర్తించేందుకు విచారణ జరుపుతున్నట్టు తెలిపారు.
