Baba Siddique Shot Dead News | మహారాష్ట్ర మాజీ మంత్రి, ఎన్సీపీ సీనియర్ నాయకులు బాబా సిద్ధిఖీ ( Baba Siddique ) హత్య మహా ( Maharastra ) రాజకీయాల్లో మరియు బాలీవుడ్ ( Bollywood ) లో సంచలనంగా మారింది.
శనివారం దసరా సందర్భంగా ముంబై బాంద్రా( Bandra )లోని తన కుమారుడి ఆఫీస్ ముందు బాబా సిద్ధిఖీపై ముగ్గురు దుండగులు మూడురౌండ్ల కాల్పులు జరిపారు. ఈ ఘటనలో తీవ్రంగా గాయపడిన ఆయన్ను లీలావతి ఆసుపత్రికి తరలించారు. చికిత్స తీసుకుంటున్న సమయంలోనే బాబా సిద్ధిఖీ కన్నుమూశారు.
కాగా ఈ కేసులో ఇప్పటికే ఇద్దరు నిందితుల్ని పోలీసులు అరెస్ట్ చేశారు. హర్యానాకు చెందిన కర్నయిల్ సింగ్ ( Karnail Singh ), యూపీకి చెందిన ధర్మరాజ్ కశ్యప్ అనే నిందితుల్ని పోలీసులు అదుపులోకి తీసుకున్నారు. విచారణ సందర్భంగా తాము లారెన్స్ బిష్ణోయ్ గ్యాంగ్ ( Lawrence Bishnoi Gang ) కు చెందిన వారిమని నిందితులు పేర్కొన్నారు.
అయితే ఈ హత్యపై మాత్రం లారెన్స్ బిష్ణోయ్ గ్యాంగ్ నుండి ఎటువంటి ప్రకటన రాలేదు. ఇదిలా ఉండగా బాబా సిద్దిఖీ ప్రముఖ నటుడు సల్మాన్ ఖాన్ ( Salman Khan )కు అత్యంత సన్నిహితుడు. సల్మాన్ ఖాన్ ఇంటి పై గతంలో లారెన్స్ బిష్ణోయ్ గ్యాంగ్ కాల్పులు జరిపిన విషయం తెల్సిందే
