Ritika Sajdeh ‘Likes’ Post Calling Dhanashree Verma ‘Gold Digger’ | టీం ఇండియా స్పిన్నర్ యూజ్వేంద్ర చాహల్ ను డబ్బు కోసమే ధనశ్రీ పెళ్లి చేసుకుందని సోషల్ మీడియా చేసిన పోస్టుకు టీం ఇండియా కెప్టెన్ రోహిత్ శర్మ సతీమణి రితిక సజ్దే ( Ritika Sajde ) లైక్ కొట్టారు.
ప్రస్తుతం ఇది చర్చనీయాంశంగా మారింది. ప్రేమ కోసం కాకుండా కేవలం డబ్బు కోసమే చాహల్ ను ధనశ్రీ వివాహమాడిందని అర్ధం వచ్చేలా శుభాoకర్ మిశ్రా అనే జర్నలిస్ట్ సోషల్ మీడియాలో ఒక వీడియోను పోస్ట్ చేశారు. ఈ వీడియోకు రితిక లైక్ కొట్టారు.
ఈ నేపథ్యంలో జర్నలిస్ట్ చేసిన విశ్లేషణకు రితిక ఏకీభవించారని నెటిజన్లు కామెంట్లు పెడుతున్నారు. 2020లో పెళ్లి చేసుకున్న చాహల్-ధనశ్రీ విడాకుల కోసం ఇటీవల ముంబయి లోని బాంద్రా ఫ్యామిలీ కోర్టులో ఆశ్రయించారు. విచారణ చేపట్టిన న్యాయస్థానం మార్చి 20న విడాకులు మంజూరు చేసింది.
ఈ నేపథ్యంలో భరణం కింద చాహల్, ధనశ్రీకి రూ.4.75 కోట్లు ఇవ్వడానికి అంగీకరించారని తెలుస్తోంది. అయితే కోర్టులో విచారణకు హాజరాయిన సమయంలో చాహల్ ధరించిన టీ-షర్టు కూడా చర్చనీయాంశంగా మారిన విషయం తెల్సిందే.
‘బీ యువర్ ఓన్ షుగర్ డాడీ’ ( Be Your Own Sugar Daddy ) అని రాసి ఉన్న టీ-షర్టును చాహల్ ధరించారు. అంటే ఇకనుండి నీ ఖర్చులకు నీవే డబ్బులు సంపాదించుకో అని అర్ధం వచ్చేలా ఆయన టీ-షర్టు ధరించారు.
