Raw Agent Vikas News | అమెరికా ( USA )లో ఉంటున్న ఖాలిస్తాన్ ( Khalistan )వేర్పాటువాది, ఉగ్రవాది గురుపత్వంత్ సింగ్ పన్నూ హత్యకు గతేడాది రా మాజీ అధికారి వికాస్ యాదవ్ ( Vikas Yadav ) విఫలయత్నం చేసినట్లు అమెరికా ఆరోపిస్తున్న విషయం తెల్సిందే.
ఈ మేరకు వికాస్ పై అక్కడి జస్టిస్ డిపార్ట్మెంట్ ( Justice Department ) కేసును నమోదు చేసి విచారిస్తోంది. అలాగే ఎఫ్బీఐ వాంటెడ్ లిస్ట్ ( Wanted List ) లో వికాస్ పేరును చేర్చారు. మరోవైపు భారత్ మాత్రం అతడిని ఉద్యోగం నుండి తలగించినట్లు అమెరికాకు వెల్లడించింది.
దీనిపై వికాస్ యాదవ్ తల్లి సుదేశ్ స్పందించారు. అమెరికా మాట్లాడే దాంట్లో ఎటువంటి నిజం లేదని ఆమె కొట్టిపారేశారు.
‘అమెరికా చెప్పేది నిజమో లేక అబద్ధమో తెలీదు కానీ, వికాస్ మాత్రం దేశం కోసం పనిచేస్తున్నాడు’ అని ఆమె చెప్పారు. ఇదిలా ఉండగా వికాస్ భారత్ లోనే ఉన్నాడని యూఎస్ భావిస్తుంది.