Mega Hero Marriage News | మెగా కాంపౌండ్ లో మరోసారి పెళ్లి బాజాలు మోగనున్నాయి. చిరంజీవి మేనల్లుడు, నటుడు సాయి దుర్గ తేజ్ (Sai Durga Teja) తన పెళ్లిపై కీలక ప్రకటన చేశారు. వచ్చే ఏడాది తాను పెళ్లి చేసుకోబోతున్నట్లు స్పష్టం చేశారు.
ఈ ఉదయం తిరుమల శ్రీవారిని దర్శించుకున్న అనంతరం ఆయన మీడియాతో మాట్లాడుతూ తన వివాహానికి సంబంధించి ఈ విషయం వెల్లడించారు. రానున్న నూతన సంవత్సరంలో స్వామివారి ఆశీస్సులతో ముందుకు వెళ్లాలనుకుంటున్నట్లు పేర్కొన్నారు.
ఈ సందర్భంగా తన తదుపరి చిత్రం ‘సంబరాల ఏటి గట్టు’ గురించి అప్ డేట్ ఇచ్చారు. ఈ సినిమా వచ్చే ఏడాది ప్రేక్షకుల ముందుకు వస్తుందన్నారు.
రోహిత్ కేపీ దర్శకత్వంలో తెరకెక్కుతున్న ఈ చిత్రాన్ని ప్రైమ్ షో ఎంటర్టైన్మెంట్స్ పతాకంపై నిర్మితమవుతోంది. ఇప్పటికే విడుదలైన గ్లింప్స్ కు మంచి స్పందన వచ్చింది
