Demand For Abortion Pills Skyrockets In USA After Trump Win | అమెరికా అధ్యక్ష ఎన్నికల్లో రిపబ్లికన్ పార్టీ అభ్యర్థి డోనాల్డ్ ట్రంప్ ( Donald Trump ) విజయ దుంధుభి మోగించారు.
ట్రంప్ విజయంతో మరికొన్ని రోజుల్లో ప్రపంచ వ్యాప్తంగా పెను మార్పులు రావడం గ్యారంటీ అంటూ విశ్లేషణలు వస్తున్నాయి. మరోవైపు ట్రంప్ గెలిచిన మరుక్షణం నుండే అగ్రరాజ్యంలో అబార్షన్ మాత్రల ( Abortion Pills )కు డిమాండ్ భారీగా పెరిగింది.
వచ్చే ఏడాది జనవరి నెలలో ట్రంప్ బాధ్యతలు చేపట్టనున్నారు. అయితే ట్రంప్ అధికారంలోకి వచ్చిన వెంటనే అబార్షన్ హక్కుపై నిషేధం విధిస్తారని జోరుగా ప్రచారం జరుగుతోంది. ఈ క్రమంలో 24 గంటల్లోనే 10వేలకు పైగా అభ్యర్ధనలు వచ్చినట్లు సమాచారం.
ఇది రోజూ వారి డిమాండ్ ( Demand ) కంటే 17శాతం ఎక్కువ అని కథనాలు వస్తున్నాయి. గర్భిణీలు కానివారు కూడా ముందస్తు ప్రిస్కిప్షమ్ కోసం సంప్రదిస్తున్నట్లు ఓ ఎన్జీవో తెలిపింది.
