Actor Vinayakan Arrested | ప్రముఖ మళయాళ నటుడు, జైలర్ ( Jailer ) మూవీలో విలన్ గా యాక్ట్ చేసిన వినాయకన్ ( Vinayakan ) ను శంషాబాద్ ఎయిర్పోర్ట్ ( Shamshabad Airport ) లో పోలీసులు అరెస్ట్ చేశారు.
మద్యం మత్తులో సీఐఎస్ఎఫ్ ( CISF ) కానిస్టేబుల్ పై దాడి చేశారని, స్థానిక పోలీసులు ఆయన్ను అరెస్ట్ చేశారు. వినాయకన్ కొచ్చి ( Kochi ) నుండి హైదరాబాద్ ( Hyderabad ) మీదుగా గోవా ( Goa ) వెళ్తున్న సందర్భంగా ఈ ఘటన చోటుచేసుకుంది.
అయితే తాను ఏ తప్పు చేయలేదని, విమానాశ్రయ అధికారులే తనను గదిలో బంధించి వేదించారని వినాయకన్ ఆరోపించారు. అస్సలు తనను ఎందుకు కస్టడీలోకి తీసుకున్నారో అర్ధం కావడం లేదని, అవసరమైతే సీసీటీవీ ఫుటేజ్ ( CCTV Footage ) చెక్ ( Check ) చేయాలని ఈ ప్రముఖ నటుడు కోరాడు.
ఇదిలా ఉండగా గతేడాది అక్టోబర్ లో కూడా మద్యం మత్తులో దురుసు ప్రవర్తన మూలంగా కేరళ పోలీసులు వినాయకన్ ను అరెస్ట్ చేశారు.
